Ola, amigas e amigos!
Son eu, o Rato Frailiño, que xa tiña moitas ganas de volver por aquí para darvos a benvida a este novo curso.
Seguro que nada máis chegar ao cole descubristes que hai obras por todas partes!!! 🔨👷
O noso colexio está cambiando e mellorando: están renovando a cuberta para que quede ben bonito e preparado para os próximos anos. E, como non podía ser doutro xeito, a biblioteca tamén está en obras!!! Si, si… hai caixas, ferramentas, movemento e moitas cousas por colocar. A nosa biblioteca está a transformarse para converterse nun lugar máis acolledor, cómodo, bonito e especial.
Pero ollo! Que o cole e a biblioteca estean en obras non significa que eu vaia quedar durmido no meu agocho nin que este curso non vaia pasar nada. Todo o contrario! Temos moitas ideas na cabeza e moitas actividades que preparar. Só necesitamos un pouquiño de tempo para organizar todo ben, poñer cada cousa no seu sitio e prepararvos algunhas sorpresas.
Así que, por agora, toca ter un pouco de paciencia… pero prometo que a espera vai valer a pena. Porque cando as obras rematen e poidamos volver abrir as portas da nosa biblioteca, ides descubrir un lugar que vos vai encantar. Un lugar para ler, para imaxinar, para aprender, para xogar, para compartir historias e, por suposto, para vivir un montón de aventuras.
Eu xa estou desexando ensinarvos todo o que estamos a preparar! Así que permanecede atentos ao blog, porque o Rato Frailiño e a biblioteca están a preparar algo moi especial para este curso. 🐭📖✨ Mentres tanto, paciencia… que estamos de obras! E as cousas boas levan o seu tempo.
Vémonos moi pronto na nosa nova biblioteca!!!
Unha aperta,
O Rato Frailiño 🐭